समुन्द्र सतहबाट करिव ११६९ मि. उचाईमा रहेको यस विद्यालय, जुगल हिमालको स्वच्छ वातावरणमा रमाउँदै ज्ञान तथा विज्ञानसँग प्रतिस्पर्धा गर्न असल नागरीक उत्पादन गरी सामाजिक रुपान्तरणको लागि शिक्षाको ज्योति फैलाउने उद्धेश्यले क,ख,ग,घ बाट सुरु गरेर यस स्थानमा शिक्षा प्रति चासो देखाउने काम यस विद्यालयका संस्थापकहरुमा श्री देविनाथ पराजुली, स्व.श्री मेघनाथ सापकोटा, स्व. श्री टोपनाथ नेपाल, स्व. श्री नवराज नेपालहरुबाट विद्यालयको औपचारिक स्थापना साविक बतासे गा.वि.स वडा नं ४ देवीडाँडामा श्री कालिकादेवी प्रा.वि नामबाट वि.स २०३७ माघ ९ गते भएको हो । यस विद्यालयको नजिक रहेको सेवा क्षेत्र अन्तर्गत जर्केबारी, काफ्ले गाँउ, कमलाबारी, कटुञ्जे, बतासे, आँयेटार, साकिने, आलमछाप आदि टोलका बालबालिकाहरु सुरुमा पढ्न सुरु गरेको यस विद्यालयमा प्रा.वि. तहमा १२ वर्षसम्म रह्यो । विद्यालय थालनी समयमा स्व. श्री मेघनाथ सापकोटा, त्रिलोचन नेपाल, भू.पू गा.वि.स. अध्यक्ष श्री नारायण बहादुर पौडेल, देविनाथ पराजुली, लाल बहादुर थापा, मेघनाथ सापकोटा, मिन प्रसाद सापकोटा, यज्ञराज सापकोटा, चुडामणि पराजुली, कुमार सापकोटा, रत्न ब. महर्जन, भरत ब.सापकोटा लगायतबाट विद्यालय व्यवस्थापकीय एवम् प्रशासकिय नेतृत्व लिने काम भएको पाइन्छ । यस विद्यालयलाई प्रा.वि. तहदेखि नै काफ्ले र सापकोटा बन्धुहरु लगायतका व्यक्तिहरुको उल्लेखनीय योगदान भएको पाइन्छ । वि.स २०४९ सालबाट नि.मा.वि. तहमा स्तरोन्नति गर्ने काम भएको पाइन्छ । शिक्षाको महत्व वढ्दै गएको र जिल्ला नजिक रहेर पनि भौगोलिक कारण शैक्षिक शुन्यतामा छाएको अवस्थामा यसैलाई चिर्न समाजका अगुवाहरुले विद्यालयलाई माध्यमिक तहमा लैजाने पहलकदामी स्वरुप २०५७ सालबाट यस विद्यालयले मा.वि तह सञ्चालन गर्न स्वीकृति प्राप्त गरी मा.वि तहमा स्तरोन्नति भएको थियो ।